Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Святы Айцец назваў імёны новых кардыналаў
Святы Айцец
22.05.2017 08:56

21 мая пасля марыйнай малітвы Regina Caeli на плошчы Св. Пятра папа Францішак абвясціў імёны пяці новых кардыналаў. Пантыфік паведаміў, што 28 чэрвеня ў Ватыкане адбудзецца кансісторый, падчас якога ён прызначыць пяць новых пурпуратаў з розных краін свету.

Першым прагучала імя арцыбіскупа Бамака (Малі) Жана Зэрбо. Кардыналамі таксама стануць: арцыбіскуп Барселоны (Іспанія) Хуан Хасэ Амелья-і-Амелья, біскуп Стакгольма (Швецыя) Андэрс Арбарэліус, Апостальскі вікарый Паксэ (Лаос), біскуп Луі-Мары Лінг Мангханекун і дапаможны біскуп архідыяцэзіі Сан-Сальвадор (Сальвадор) Хасэ Грыгорыа Роза Чавес.

Францішак паведаміў таксама, што 29 чэрвеня, ва ўрачыстасць святых апосталаў Пятра і Паўла, будзе цэлебраваць Эўхарыстыю з новымі кардыналамі, Калегіяй Кардыналаў, новымі арцыбіскупамі-мітрапалітамі, біскупамі і некаторымі святарамі.

Пасля прызначэння новых пурпуратаў Калегія Кардыналаў будзе налічваць 227 членаў, з якіх 122 кардыналы з правам голасу на магчымым канклаве і 106 без права голасу.

Паводле Беларускай рэдакцыі Ватыканскага радыё
(VGr)

 

Пры выкарыстанні матэрыялаў сайта спасылка на Catholic.By абавязкова.
  • 22.08.2017
  • 21.08.2017
  • 20.08.2017
  • 19.08.2017
  • 18.08.2017