Біскуп Рычард Уільямсан выключаны са Святарскага брацтва св. Пія Х. Як адзначаецца ў афіцыйнай заяве брацтва, такое рашэнне было неабходна «з увагі да агульнага дабра брацтва і эфектыўнасці яго кіравання».

Англійскі святар Рычард Уільямсан быў адным з чатырох біскупаў, якія атрымалі сакру ў 1988 г. без згоды Апостальскай Сталіцы з рук арцыбіскупа Марселя Лефеўра.

Яшчэ ў ліпені біскуп Уільямсан быў на пэўны час выключаны з генеральнай рады лефеўрыстаў. Як паведамляе KAI, з пачатку перамоваў паміж брацтвам і Апостальскай Сталіцай іерарх крытыкаваў гэтыя перамовы і быў галоўным праціўнікам збліжэння з Ватыканам.

(AG)