Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Вернікі Святой Зямлі і пілігрымы сустрэлі Хрост Пана на рацэ Ярдан
14.01.2013 14:16

13 студзеня, у нядзелю Хросту Пана, хрысціяне Святой Зямлі і пілігрымы над водамі ракі Ярдан дзякавалі за дар веры і аднавілі абяцанні хросту. Пілігрымка пад кіраўніцтвам францішканаў з Кустодыі Святой Зямлі адбылася ў межах Года веры.

Урачыстую святую Імшу ля ракі Ярдан узначаліў кусташ Святой Зямлі а. П’ербатыста Піццабала, які нагадаў, што гэтая рака ў хрысціянскай тэалогіі з’яўляецца «сімвалам новага нараджэння і дару жыцця, які паходзіць з таямніцы веры».

Падчас літургіі некалькім дзецям быў удзелены сакрамэнт хросту.

Як інфармуе польская рэдакцыя Ватыканскага радыё, у гэтым годзе на Ярдан прыбылі шматлікія пілігрымы, прадстаўнікі законных супольнасцяў, вернікі з Ізраіля і Палесціны.

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме