Арцыбіскуп П’ер Д’Арнэла, адказны за пытанні біяэтыкі пры епіскапаце Францыі, прадставіў агенцтву SIR пазіцыю Касцёла адносна нядаўняга рашэння Нацыянальнай рады французскага аб’яднання медыцынскіх работнікаў. Французскі Урачэбны ордэн атрымаў адабрэнне прымяняць эўтаназію для пацыентаў у канцы жыцця «па іх настойлівых, усвядомленых і паўтараючыхся просьбах».

«Кажучы „не“ эўтаназіі, Касцёл не ігнаруе цяжкасцяў выбару сумлення ўрача, які часта ўяўляе сабой цяжкі крыж, — але перш за ўсё пацвярджае здольнасць да чалавечнасці, — адзначыў арцыбіскуп, словы якога прыводзіць руская рэдакцыя Ватыканскага радыё. — Таму наша „не“ дэманструе ўзровень, ніжэй за які мы не можам апускацца ў адпаведнасці з нашай годнасцю. Гэта — дапамога ўрачам, якая выяўляе вялікую павагу да медыкаў і чалавека ў канцы яго жыццёвага шляху».

Іерарх дадаў, што «кожнае жыццё, якое гасне, — гэта ўнікальная, выключная і непаўторная гісторыя». У той жа час рашэнне французскага Урачэбнага ордэна з’яўляецца «намерам справакаваць чалавечую смерць, што заўсёды з’яўляецца віной, якая супярэчыць запаведзі свабоды і салідарнасці: „Не забівай“».

(AG)