Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Іспанія пра сардэчнасць і блізкасць новага Папы
19.03.2013 20:59

«Першы Папа, які паходзіць з Лацінскай Амерыкі і размаўляе па-іспанску, пакорай і блізкасцю пакарыў сэрцы людзей», — пішуць іспанскія СМІ. На інаўгурацыі папы Францішка 19 сакавіка прысутнічала афіцыйная дэлегацыя Іспаніі на чале з прынцам Філіпам і прэм’ер-міністрам Марыяна Рахоем.

Выданне «El País», якое цытуе польская рэдакцыя Ватыканскага радыё, адзначае, што восем гадоў таму на інаўгурацыю Бэнэдыкта XVI не прыехаў прэм’ер Іспаніі Хасэ Запатэра, прыхільнік секулярызму і радыкальнага антыклерыкалізму. Аднак сёння, гаворыцца ў выданні, урад краіны мае шмат агульных пунктаў з новым Папам. Прэм’ер Марыяна Рахой спадзяецца, што адносіны паміж Іспаніяй і Апостальскай Сталіцай умацуюцца на аснове такіх каштоўнасцяў, як жыццё, годнасць чалавека, свабода, мір і справядлівасць.

Іспанцы адзначаюць пакору і прастату папы Францішка, яго сардэчнасць і блізкасць і чакаюць візіту Папы ў сваю краіну.

(AG)

 

Пры выкарыстанні матэрыялаў сайта спасылка на Catholic.By абавязкова.