«Эфекту Францішка» ў нямецкамоўнай правінцыі езуітаў не назіраецца. Пра гэта распавёў адказны за навіцыят а. Ёзаф Маўрэдар SJ.

«З таго часу, як Папам быў выбраны езуіт Францішак, цікавасць да ордэна прынамсі ў нямецкім моўным асяроддзі не ўзрасла, — прыводзіць словы Маўрэдара нямецкі інфармацыйны партал katholisch.de — Колькасць зацікаўленых засталася той жа. Інтарэс калі і павялічыўся, то «зусім неадчувальна».

У верасні ў ордэн уступілі чатыры новыя навіцыі. Гэта мужчыны ад 25 да 39 гадоў. Трое з іх прыйшлі ў ордэн пасля скончанай тэалагічнай адукацыі.

Двухгадовы навіцыят — гэта падрыхтоўчая фаза да ўступлення ў ордэн. Усяго разам з тымі, хто прыйшоў у навіцыят у мінулым годзе, да складання першых шлюбаў рыхтуецца дзесяць чалавек. Месцам фармацыі з’яўляецца кляштар у Нюрнбергу.

(JLS)