Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Батсвана: «сем умоў быць кандыдатам на выбарах» ад біскупа
16.09.2014 12:27

Сем асноўных умоў, якім павінны адпавядаць кандыдаты, што прэтэндуюць на пасады інстытуцыйных прадстаўнікоў народа, адзначыў у пастырскім лісце перад выбарамі, якія запланаваны на 24 кастрычніка, мясцовы ардынарый дыяцэзіі Габаронэ.

Біскуп Валянцін Тсама Сэан залічыў да гэтага спісу: пашану чалавечай годнасці, разумнае кіраванне, роўныя правы і абавязкі для асобных людзей і грамадскасці, прымяненне прынцыпаў субсідыярнасці і агульнага дабра, павагу да прыватнай уласнасці і ільготы для бедных. Паведамляе каталіцкае інфармацыйнае агенцтва Польшчы.

Іерарх таксама настойліва заклікаў грамадзян Батсваны цікавіцца інфармацыяй пра палітычныя партыі, якія будуць удзельнічаць у выбарах. «Каталіцкі Касцёл, — прыгадаў біскуп, — не атаясамляецца ані з адной партыяй ці ідэалогіяй. Аднак ён заахвочвае вернікаў да падтрымкі тых партый, якія рэалізуюць у жыцці сацыяльнае вучэнне Каталіцкага Касцёла шляхам эфектыўнага кіравання».

(AYU)

 

Пры выкарыстанні матэрыялаў сайта спасылка на Catholic.By абавязкова.