Арцыбіскуп Клаўдыё Марыя Чэллі, старшыня Папскай рады па сродках масавай камунікацыі, які прабываў з візітам у Беларусі 12-15 мая 2011 г. падзяліўся сваімі ўражаннямі ў інтэрв’ю Беларускай рэдакцыі Ватыканскага радыё. Паводле меркавання іерарха, «краіна мае сур’ёзныя праблемы і патрабуе адказнасці на ўсіх узроўнях».

Уражанні пра Касцёл у Беларусі, парады духавенству і каталіцкім СМІ, дзейнасць Ватыкана ў галіне СМІ — пра гэта і іншае чытайце ў інтэрв’ю з арцыбіскупам Клаўдыё Марыяй Чэллі. Старшыня Папскай рады па справах масавай камунікацыі прабываў з візітам у Беларусі 13–15 мая 2011 г.

13 мая, Мінск, Беларусь

Сучаснае развіццё грамадстваў сёння характарызуецца такімі інфармацыйнымі і камунікацыйнымі тэхналогіямі, якія паступова ператварылі свет у «глабальную вёску», як кажа Мак Лахан (Mc Luhan).

13 мая, Мінск, Беларусь

Перад абліччам эпахальных зменаў, якія з рознай хуткасцю распаўсюджваюцца ў сучасных грамадствах, калі камунікацыя з’яўляецца «рухавіком» новай культуры, што вельмі хутка развіваецца, Каталіцкі Касцёл — разам з іншымі веруючымі ў Хрыста — задае сабе пытанні перадусім адносна таго антрапалагічнага скачка, выкліканага гэтымі зменамі. Іншымі словамі, якім чынам перамяняецца чалавечая асоба? Як змяняюцца адносіны бацькоў і дзяцей? Што ўяўляюць сабою «суполкі», што ўзніклі ў віртуальнай прасторы? Да якіх мэтаў імкнецца свабода інфармацыі, грамадская адказнасць адносна таго, што адбываецца ў так званай «глабальнай вёсцы»? Мы заўсёды імнемся даць адказ, выкарыстоўваючы скарб двухтысячагадовага шляху Касцёла, у святле таго паслання, якое Езус Хрыстус пакінуў вернікам. Гаворка ідзе пра пасланне, якое мае ўніверсальнае значэнне, бо яно сягае каранёў таго, што з’яўляецца чалавечым, гледзячы на гэта ў Божым святле.

«Пачаткам актыўнасці Касцёла з’яўляецца камунікацыя ў любові. Гэтую любоў Касцёл перадае праз сродкі масавай інфармацыі, абараняючы годнасць кожнага чалавека», — адзначыў старшыня Папскай рады па сродках масавай камунікацыі арцыбіскуп Клаўдыё Марыя Чэллі ў інтэрв’ю для партала Catholic.by.