Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Цэтлік [Папскія сустрэчы]
Папа сустрэнецца з прадстаўнікамі свецкіх рухаў розных краін
2013-05-15 11:43:45

18–19 мая ў Рыме пройдзе Дзень свецкіх рухаў, новых супольнасцяў, асацыяцый і аб’яднанняў пад дэвізам «Я веру! Павяліч у нас веру». Для ўдзелу ў форуме зарэгістраваліся каля 120 тысяч чалавек са 150 рухаў з розных краін свету, у тым ліку і Беларусі. 19 мая ўдзельнікі сустрэчы збяруцца на Эўхарыстыі на плошчы Св. Пятра, якую ўзначаліць Папа.

 
Святому Айцу прадстаўлены новы даведнік са статыстычнай інфармацыяй пра Касцёл
2013-05-13 10:37:31

Новы даведнік са статыстычнай інфармацыяй пра Касцёл «Annuario Pontificio» прадставілі Святому Айцу 13 мая Дзяржаўны сакратар кардынал Тарчызіо Бэртонэ і субстытут Апостальскай Сталіцы арцыбіскуп Анджэло Бэчу. Даведнік распрацавала Цэнтральная статыстычная служба Святога Пасаду.

 
Папа сустрэўся з Патрыярхам Тавадрасам: праз малітву і дыялог можам зрабіць крокі да еднасці
2013-05-10 11:47:45

10 мая Святы Айцец Францішак сустрэўся з Патрыярхам Копцкай Праваслаўнай Царквы Тавадрасам ІІ. Візіт іерарха адбыўся ў 40-ю гадавіну падпісання Супольнай каталіцка-копцкай дэкларацыі, якая паклала пачатак афіцыйнаму тэалагічнаму дыялогу паміж дзвюма Цэрквамі.

 
Папа да законных сясцёр: будзьце радасныя, бо цудоўна ісці за Езусам
2013-05-08 10:57:08

8 мая папа Францішак сустрэўся з членамі Міжнароднага аб’яднання генеральных настаяцельніц, пасяджэнне якога 3–7 мая праходзіла ў Рыме. Каля 800 законных сясцёр з 75 краін размаўлялі на тэму «Служэнне ўлады паводле Евангелля».

 
Пантыфік сустрэнецца з генеральнымі настаяцельніцамі з розных краін
2013-05-07 09:59:40

8 мая перад агульнай аўдыенцыяй папа Францішак сустрэнецца з больш чым 800 законнымі сёстрамі — удзельніцамі форуму генеральных настаяцельніц, які праходзіць у Рыме 3–7 мая. У форуме прымаюць удзел настаяцельніцы з 75 краін.

 
Папа заклікаў швейцарскіх гвардзейцаў заўсёды быць сапраўднымі хрысціянамі
2013-05-06 13:20:07

6 мая папа Францішак прыняў навабранцаў Швейцарскай гвардыі ў дзень складання імі прысягі. Пантыфік падзякаваў ім за адданае служэнне, якое назірае штодня, і нагадаў, што швейцарскія гвардзейцы падчас знаходжання ў Рыме пакліканы сведчыць веру.

 
Пантыфік сустрэўся з Прэзідэнтам Швейцарыі ў дзень складання прысягі навабранцамі Папскай гвардыі
2013-05-06 11:42:05

6 мая папа Францішак прыняў на аўдыенцыі Прэзідэнта Швейцарыі Улі Маўрэра. Палітык прыбыў у Апостальскую Сталіцу на ўрачыстасць складання навабранцамі Швейцарскай гвардыі прысягі на вернасць Пантыфіку, што адбываецца кожны год у гэты дзень.

 
Папа заахвоціў італьянскіх біскупаў клапаціцца пра моладзь, сем’і і беспрацоўных
2013-05-04 10:56:19

3 мая папа Францішак сустрэўся з біскупамі італьянскага рэгіёну Марке, якія знаходзяцца ў Рыме з візітам «Ad Limina Apostolorum». Як паведаміў арцыбіскуп Анконы-Азіма Эдоардо Мэнікэлі, Пантыфік падчас аўдыенцыі ўказаў ім накірункі душпастырскай дзейнасці, заахвоціўшы праяўляць большы клопат да моладзі, сям’і і беспрацоўных.

 
Папа і Прэзідэнт Лівана абмеркавалі сітуацыю ў рэгіёне і сірыйскі канфлікт
2013-05-03 12:09:20

3 мая папа Францішак прыняў на аўдыенцыі Прэзідэнта Лівана Мішэля Сулеймана. Палітык сустрэўся таксама з Дзяржсакратаром кардыналам Тарчызіо Бэртонэ, у суправаджэнні сакратара па адносінах з дзяржавамі арцыбіскупа Дамініка Мамбэрці. Асаблівая ўвага была звернута на сітуацыю ў рэгіёне, у прыватнасці на канфлікт у Сірыі.

 
Папа падпісаў дэкрэты аб прызнанні цудаў і гераічнасці цнотаў
2013-05-03 10:55:02

Папа Францішак зацвердзіў некалькі дэкрэтаў аб прызнанні цудаў і гераічнасці цнотаў. 2 мая Святы Айцец прыняў на аўдыенцыі кардынала Анджэла Амата, прэфекта Кангрэгацыі па справах Кананізацыі.

 
Папа Францішак сустрэўся з Бэнэдыктам XVI пасля яго вяртання ў Ватыкан
2013-05-02 17:11:08

2 мая, пасля двух месяцаў прабывання ў летняй рэзідэнцыі Рымскіх Пантыфікаў у Кастэль Гандольфа, Бэнэдыкт XVI вярнуўся ў Ватыкан. Папа Францішак наведаў свайго папярэдніка адразу пасля яго прыбыцця ў кляштар «Mater Ecclesiae».

 
Пантыфіку прадстаўлены нумар дадатку «L’Osservatore Romano» для жанчын
2013-05-02 10:57:36

Пасля літургіі ў капліцы Дома св. Марты 2 мая галоўны рэдактар «L’Osservatore Romano» Джаванні Марыя Віян прадставіў Святому Айцу Францішку апошні нумар спецыяльнага дадатку гэтага ватыканскага выдання для жанчын «Donne, Chiesa, Mondo» («Жанчыны, Касцёл, свет»).

 
Святы Айцец прыняў даверчыя граматы пасла Расійскай Федэрацыі
2013-05-02 09:45:17

2 мая Святы Айцец Францішак прыняў даверчыя граматы новага пасла Расійскай Фeдэрацыі ў Апостальскай Сталіцы Аляксандра Аўдзеева. Дыпламат быў прызначаны на гэтую пасаду Прэзідэнтам краіны Уладзімірам Пуціным 11 студзеня 2013 г.

 
Папа і Прэзідэнт Ізраіля абмеркавалі сітуацыю на Блізкім Усходзе
2013-04-30 13:08:55

Папа Францішак абмеркаваў з Прэзідэнтам Ізраіля Шымонам Пэрэсам складаную палітычную і сацыяльную сітуацыю на Блізкім Усходзе. 30 красавіка Пантыфік прыняў ізраільскага палітыка на аўдыенцыі ў Ватыкане.

 
Святы Айцец і Марыё Монці абмеркавалі будучыню Італіі і перспектывы інтэграцыі
2013-04-27 10:55:34

26 красавіка папа Францішак прыняў на аўдыенцыі былога прэм’ер-міністра Італіі Марыё Монці. Падчас сустрэчы размова ішла пра будучыню Італіі, перспектывы еўрапейскай інтэграцыі, а таксама праблемы, звязаныя з феноменам міграцыі.

 
Папа і іерархі Лацінскай Амерыкі абмеркавалі душпастырскую і місіянерскую дзейнасць Касцёла
2013-04-26 16:16:07

25 красавіка папа Францішак прыняў на аўдыенцыі членаў Рады Епіскапатаў Лацінскай Амерыкі. Падчас сустрэчы іерархі паінфармавалі Святога Айца аб душпастырскіх праграмах епіскапатаў кантынента, прысвечаных накірункам дзейнасці Касцёла.

 
Папа Францішак сустрэўся з вядомым футбалістам
2013-04-26 09:30:01

25 красавіка папа Францішак прыняў на прыватнай аўдыенцыі славутага аргенцінскага футбаліста Хав’ера Санэці з сям’ёй. Падчас сустрэчы Пантыфік і спартсмен абмяняліся досведам жыцця ў Італіі і Аргенціне.

 
Папа заклікаў да спынення насілля ў Сірыі
2013-04-24 11:06:20

Яшчэ адным сведчаннем драматычнай сітуацыі, у якой прабывае сірыйскі народ, назваў Святы Айцец выкраданне двух праваслаўных іерархаў каля Алепа. Папа Францішак з занепакоенасцю адзначыў, што ў гэтай частцы Блізкага Усходу насілле і зброя працягваюць сеяць смерць і пакуты.

 
Святы Айцец звярнуў увагу на міжнародныя праблемы
2013-04-21 13:00:07

21 красавіка пасля малітвы «Regina Cаeli» Святы Айцец Францішак звярнуў увагу на некаторыя міжнародныя праблемы. Папа адзначыў, што ўважліва сочыць за падзеямі, што адбываюцца ў Венесуэле, дзе нарастае паслявыбарчы крызіс. Пантыфік сказаў аб сваёй глыбокай заклапочанасці дадзенай сітуацыяй і аб тым, што «інтэнсіўна моліцца» аб пошуку шляхоў справядлівага і мірнага пераадолення «сур’ёзных цяжкасцяў», якія перажывае краіна.

 
Святы Айцец да італьянскіх біскупаў: быць побач з людзьмі
2013-04-19 12:28:27

15 і 18 красавіка папа Францішак прыняў дзве групы іерархаў з італьянскага рэгіёна Трывенета, якія знаходзяцца ў Рыме з візітам «ad limina apostolorum». Як адзначыў арцыбіскуп Удзінэ Андрэа Бруна Мацаката, падчас сустрэчы Пантыфік зрабіў акцэнт на тэме пакліканняў, у першую чаргу да кансэкраванага жыцця.

 

Усяго 427 матэрыялаў адзначана цэтлікам Папскія сустрэчы.

<< Start < Previous 1 2 3 4 5 6 7 8 9 10 Next > End >>
Page 1 Of 22
Пры выкарыстанні матэрыялаў сайта спасылка на Catholic.By абавязкова.