17 сакавіка 2009 г. Святы Айцец Бэнэдыкт XVI накіраваўся ў Камерун — гэта будзе першы этап яго падарожжа ў Афрыку. У Камеруне Пантыфік затрымаеца да пятніцы 20 сакавіка, адкуль накіруецца ў Анголу, дзе будзе знаходзіцца таксама тры дні.

 

Сёння раніцай Святы Айцец вылецеў з рымскага аэрапорта, куды яго суправаджалі кіраўнік італьянскага Савета міністраў, кіраўніцтва аэрапорта, а таксама Апостальскі нунцый у Італіі і пасол Італіі пры Апостальскай Сталіцы.

 

Па прыбыцці Пантыфіка ў Камерун запланавана прывітальная сустрэча з удзелам Прэзідэнта краіны і прадстаўнікамі Канферэнцыі Каталіцкіх Біскупаў Камеруна.

 

Вяртанне Святога Айца ў Рым запланавана на 23 сакавіка.