ЗША: лісты ў абарону жыцця | | Друк | |
11.03.2009 20:46 |
{mosimage}У апошнія тыдні Каталіцкі Касцёл у Амерыцы інтэнсіфікаваў кампанію ў абарону жыцця. Мясцовыя кангрэсмены атрымалі ад сваіх выбаршчыкаў некалькі дзесяткаў мільёнаў паштовак з просьбамі не адмяняць актуальныя і, дарэчы, вельмі сціплыя прадпісанні ў справе абароны жыцця. У паштоўках выбаршчыкаў, між іншым, нагадваецца амерыканскім палітыкам пра забарону фінансавання з федэральнага бюджэту эксперыментаў на мацярынскіх клетках чалавечых эмбрыёнаў, якую адміністрацыя Барака Абамы жадае адмяніць. Большасць грамадзянаў краіны дадзеную забарону падтрымлівае. У сваю чаргу Камісія пры епіскапаце ЗША па справах абароны жыцця заклікае насельніцтва да «штурму» праз электронную пошту. «Мы жадаем, каб парламентарыі пачулі голас як мага большай колькасці грамадзянаў», — сцвярджае прадстаўнік Камісіі Дэйдра МакКвайд. Паводле матэрыялаў Ватыканскага радыё
|
Адноўлена 11.03.2009 20:46 |