Пра значэнне паняццяў «каталіцкі» і «апостальскі» ў адносінах да Касцёла распавёў Папа Францішак падчас агульнай аўдыенцыі 17 верасня. Пантыфік нагадаў, што яшчэ ў першыя стагоддзі хрысціянства св. Кірыл Александрыйскі сцвярджаў, што «Касцёл называецца каталіцкім – гэта значыць паўсюдным – таму што раскінуўся з аднаго да другога краю зямлі; а таксама таму, што паўсюдна, і без выключэння, навучае ўсім праўдам, якія павінны дасягнуць розуму людзей, адносна як нябесных, так і зямных спраў».

16 мая ў Ватыкане Пантыфік прыняў удзел у адкрыцці 69-га пленарнага пасяджэння Канферэнцыі Біскупаў Італіі. Папа нагадаў пра галоўныя рысы святара і падкрэсліў, што ў апошнія гады значна змяніўся культурны кантэкст, у якім прыходзіцца выконваць гэтае служэнне.