Суд горада Картахена ў паўночна-заходняй Калумбіі забараніў прамаўляць малітвы ў навучальных установах мясцовых гарадоў. Апраўдваючы гэтую пастанову суда, Алехандро Банілья Алдана, супрацоўнік суда, растлумачыў, што «традыцыя малітвы не можа быць агульным элементам культуры, і свецкія ўлады не маюць права навязваць яго іншым людзям, не ведаючы іх рэлігійных перакананняў».

17-18 кастрычніка ў Гродне адбылася педагагічная сустрэча шэфаў скаўцкага руху, прысвечаная працы з хрысціянскай моладдзю. Рэно Лануа, камісар, які адказвае за развіццё скаўцкіх адзінак ва Усходняй Еўропе, правёў у парафіі Найсвяцейшага Адкупіцеля цырымонію прызначэння новых генеральных камісараў.