Малітоўная сустрэча моладзі ў Івянцы адбудзецца ў ліпені | Друк |
Анонсы
09.02.2012 15:04

Сёлета Малітоўная сустрэча моладзі ў Івянцы будзе праходзіць 27–29 ліпеня, а да ўдзелу ў ёй запрашаюцца маладыя вернікі ўсіх дыяцэзій Беларусі. Гэтае рашэнне было прынята 9 лютага 2012 г. падчас сустрэчы арганізацыйнага камітэта.

У рамках пастырскай праграмы 2012 года (новая евангелізацыя як уводзіны ў Год веры) сустрэча пройдзе пад дэвізам «Я — рыцар Евангелля». На канферэнцыях, падчас працы ў групах і круглых сталоў моладзь будзе разважаць, як яна можа несці Божае слова і сведчыць сваю веру ў сучасным грамадстве.

З нагоды 90-годдзя прыбыцця св. Максімільяна Кольбэ ў Гродна (1922 г.) францішканская супольнасць пазнаёміць удзельнікаў сустрэчы з жыццём і дзейнасцю свайго папярэдніка і апекуна.

Традыцыйным пунктам праграмы будуць «пытанні да біскупаў», якія можна дасылаць ужо цяпер на e-mail: Гэты e-mail адрас абаронены ад спаму-ботаў, для яго прагляду ў Вас павінен быць уключаны Javascript .

 
© 2003-2026 Catholic.by