Пасля летняга перапынку аднаўляюцца трансляцыі нядзельнай святой Імшы з мінскай парафіі Св. Яна Евангеліста і св. Максімільяна Кольбэ. Як і раней, пачатак трансляцыі будзе ў 12.00.

Трансляцыі можна будзе глядзець на нашым партале, а таксама на сайце парафіі jan.by.

Гэта дапамога для тых, хто не можа па сур'ёзных прычынах прысутнічаць на малітве (гл. Апостальскі ліст DIES DOMINI Святога Айца Яна Паўла ІI аб святкаванні нядзелі, 54), а таксама для тых, хто яшчэ не ведае, як цэлебруецца Эўхарыстыя ў Каталіцкім Касцёле.