15 лістапада ў парафіі Найсвяцейшай Тройцы (св. Роха) на Залатой Горцы ў Мінску адбудзецца святкаванне 150-годдзя асвячэння парафіяльнага касцёла.

У гэты дзень у касцёле пройдзе гістарычная канферэнцыя на тэму «Залатагорская святыня», а святую Імшу з нагоды 150-гадовага юбілею святыні ўзначаліць Мітрапаліт Мінска-Магілёўскі арцыбіскуп Тадэвуш Кандрусевіч.

Праграма:

• 10.00 — малітва ўдзячнасці з нагоды 150-годдзя з дня асвячэння

• 10.30 — гістарычная канферэнцыя «Залатагорская святыня»

• 11.00 — прэзентацыя памятнага альбома «Залатагорская святыня»

• 11.20 — выступленне Залатагорскага хора

• 12.00 — урачыстая святая Імша, якую ўзначаліць Мітрапаліт Тадэвуш Кандрусевіч

Урачыстасць пройдзе па адрасе: г. Мінск, пр. Незалежнасці, 44а (касцёл на Залатой Горцы).

Кс. Юрый Санько