1 красавіка ў мінскай парафіі Маці Божай Будслаўскай (Каменная Горка) адбудзецца «Ноч канфесіяналаў», якая распачнецца Імшою ў 18.00. Магчымасць скарыстацца з сакрамэнту споведзі будзе да 24.00.
«Ёсць людзі, якія па розных прычынах яшчэ не паспелі паўдзельнічаць у велікапосных рэкалекцыях, паспавядацца. Такая акцыя дапаможа ім духоўна падрыхтавацца да перажывання велікодных святаў», — адзначыў пробашч парафіі кс. Францішак Рудзь.
Ідэя «адчыненых канфесіяналаў» нарадзілася ў 2007 г. у Чыкага. Тады з сакрамэнту пакаяння скарысталі 2500 чалавек. Паступова ініцыятыва вечаровай споведзі (т. зв. «Ноч канфесіяналаў») знайшла свой працяг і ў іншых краінах.
У Мінску акцыя праводзіцца ўжо ў чацвёрты раз.