Дабрачынны канцэрт «Дапаможам дзецям», прымеркаваны да святкавання Вялікадня, адбудзецца 12 красавіка ў 19.00 у касцёле Свв. Сымона і Алены.

На канцэрт запрошаны хор з Гродзенскай дыяцэзіі «Cantate Domino». Ахвяраваныя сродкі ад канцэрту будуць накіраваны на стварэнне рэабілітацыйнага пакою для дзяцей з анкалагічнымі захворваннямі ў в. Ляскоўка (Бараўляны).

Гэту акцыю ладзіць дабравольная арганізацыя Рэлігійная місія «Дабрачыннае каталіцкае таварыства Карытас» Мінска-Магілёўскай архідыяцэзіі.

Праграма:

• 19.00 — Урачыстая Імша, агульная малітва за хворых дзяцей
• 20.00 — Прывітальнае слова арганізатараў
• 20.10 — выступленне хора «Cantatedomino»
• 20.50 — Заканчэнне мерапрыемства