18 мая ў парафіі Св. Андрэя, апостала, у Нарачы (Мінска-Магілёўская архідыяцэзія) будзе адзначацца 95-я гадавіна з дня нараджэння святога Яна Паўла ІІ.

З гэтай нагоды перад вячэрняй святой Імшой моладзь парафіі правядзе адарацыю Найсвяцейшага Сакрамэнту пад назвай «Выключная асоба нашых часоў», падчас якой будуць гучаць выказванні вядомых людзей пра Вялікага Папу.

Па традыцыі ў гэты дзень адбудзецца ўшанаванне рэліквій святога Яна Паўла ІІ.

Таксама да 95-годдзя з дня нараджэння Вялікага Папы будзе падрыхтавана фотавыстава «Папа, які змяніў свет».

Паводле naracz.na.by

(AG)