Ва ўрачыстасць Унебаўзяцця Найсвяцейшай Панны Марыі, 15 жніўня, у в. Шабуні Пухавіцкага раёна адбудзецца асвячэнне капліцы св. Роха. Асвеціць капліцу Мітрапаліт Мінска-Магілёўскі арцыбіскуп Тадэвуш Кандрусевіч.
Капліца ў в. Шабуні была пабудавана ў XVIII cтагоддзі. Як кажа легенда, калі ў гэтыя месцы прыйшла эпідэмія халеры, то католікі разам з праваслаўнымі набылі абраз св. Роха, усталявалі яго ў галоўным алтары капліцы, і заразная хвароба адступіла.
Святы Рох лічыцца апекуном хворых на заразныя хваробы, а таксама фармацэўтаў і ўрачоў, аб яго заступніцтве моляцца ў шпіталях, турмах і г.д. У іканаграфіі святы прадстаўлены як пілігрым з сабакам, які залізвае яго раны або бяжыць побач.
(ils)