12 верасня, ва ўрачыстасць Найсвяйцешага імя Марыі, у Параф'янаўскай святыні (Докшыцкі дэканат) адбудзецца парафіяльны фэст, на які пробашч кс. Раман Мурзіч запрашае ўсіх, хто ахвочы наведаць гэту мясцовасць і святыню.

Праграма святкавання:

• 8.30 — святая Імша, пасля якой распачнецца Адарацыя Найсвяцейшага сакрамэнту.
• 12.00 — Святая Імша, якую ўзначаліць біскуп Віцебскі Алег Буткевіч. Эўхарыстычная працэсія вакол святыні.
  

Малітоўная сустрэча працягнецца святочным канцэртам і абедам для парафіянаў і ўсіх прысутных гасцей. У канцэрце прыме ўдзел акардэаніст-віртуоз Дзмітры Корсак і эстрадны выканаўца Іван Буслай.

(AYU)