28 кастрычніка Каталіцкі Касцёл адзначае літургічны ўспамін св. Юды Тадэвуша. З гэтай нагоды ў дзень свайго нябеснага апекуна Мітрапаліт Мінска-Магілёўскі арцыбіскуп Тадэвуш Кандрусевіч будзе цэлебраваць святую Iмшу ў мінскім архікатэдральным касцёле.

аПачатак Імшы ў 18.30.

Да ўдзелу ў Эўхарыстыі, а таксама да малітвы ў інтэнцыі пастыра Касцёла ў Беларусі заахвочваюцца ўсе вернікі.

З гісторыі:

Святы Юда Тадэвуш быў сваяком Езуса Хрыста. Яму таксама належыць аўтарства адной з кніг Новага Запавету – Паслання св. Апостала Юды.

Разам са святым Сымонам ён прапаведаваў у Персіі і Лівіі, дзе загінуў пакутніцкай смерцю ад рук язычнікаў.

Cвяты лічыцца апекуном у безнадзейных справах.

(MV)