З нагоды ўспаміну святога Яна Паўла ІІ прапануем некалькі ягоных найпрыгажэйшых выказванняў пра любоў да Радзімы, свабоду і смеласць.

• Не жадайце Бацькаўшчыны, якая вам нічога не каштуе.
  
  
• Свабоду немагчыма толькі мець, ёю немагчыма толькі карыстацца. Яе трэба ўвесь час зноў адбудоўваць і рабіць яе рэчаіснасцю.
   
• Няма свабоды без праўды. Свабода — гэта катэгорыя этычная.
  
  
• Выбіраючы і здзяйсняючы сапраўднае дабро ў асабістым і сямейным жыцці, у эканамічнай і палітычнай рэчаіснасці, ці ўрэшце ў нацыянальным і міжнародным асяроддзі, чалавек рэалізуе сваю свабоду ў праўдзе.
  
  
• Цывілізацыя, якая адкідае безабаронных, заслугоўвае імя варварскай.
   
• Няма большага народнага скарбу, чым разумныя грамадзяне.
   
• Моцная Богам сям'я ёсць сілай чалавека і нацыі.
   
• Нацыя гіне, калі духоўна разбэшчваецца, нацыя ўзрастае, калі яе дух робіцца больш чыстым, і ніякія знешнія сілы не змогуць гэтаму супрацьстаяць.
   
• Гісторыя вучыць, што дэмакратыя без каштоўнасцяў лёгка ператвараецца ў яўны ці прыхаваны таталітарызм.
   
• Народы фіксуюць сваю гісторыю ў навуковых працах, перадаюць у разнастайных формах дакументаў, дзякуючы якім ствараюць уласную культуру. Галоўнаю прыладаю гэтага паслядоўнага стварання з’яўляецца мова. З яе дапамогаю чалавек выказвае праўду пра свет і пра сябе самога і дазваляе іншым удзельнічаць у пладах сваіх пошукаў у розных сферах.
   
• Няма міру без справядлівасці, няма справядлівасці без прабачэння.
   
• Любоў, якая гатова нават аддаць жыццё, не загіне.
   
• Майце адвагу жыць для любові. Бог ёсць Любоўю.

Аляксандр Гелагаеў паводле credo-ua.org