У сувязі з тэрактам у мінскім метро, які адбыўся 11 красавіка, сённяшні дзень, 13 красавіка 2011 г., аб’яўлены ў сталіцы нашай краіны Днём жалобы па загінуўшых у выніку трагедыі. Да канца тыдня ў Мінску адменены забаўляльныя мерапрыемствы. Таксама сёння пройдуць першыя пахаванні ахвяраў выбуху.

Ва ўсіх беларускіх касцёлах сёння адбываюцца малітвы за памерлых і пацярпелых у выніку тэракту. Католікі нашай краіны моляцца аб вечным супакоі для загінуўшых, аб выздараўленні для параненых і аб тых, хто нясе дапамогу пацярпелым.