Сакратар Апостальскай Нунцыятуры ў Рэспубліцы Беларусь мансіньёр Філіппо Чампанэлі сустрэўся з Яго Святасцю Папам Францішкам. Падчас размовы мансіньёр Чампанэлі распавёў Папу Францішку аб жывой веры і сталай малітве, якой католікі Беларусі суправаджаюць асобу Пантыфіка і яго місію.
Напрыканцы Папа Францішак заахвоціў да намаганняў дзеля ўтрымання і ўзмацнення братэрства і супрацоўніцтва паміж католікамі і праваслаўнымі краіны, якое было ажыўлена нядаўняй сустрэчай праваслаўных і каталіцкіх біскупаў у Мінску.
Паводле паведамлення Апостальскай Нунцыятуры ў Рэспубліцы Беларусь
