Рада па Справах Сям’і пры Канферэнцыі Каталіцкіх Біскупаў Беларусі запрашае сужэнцаў, гінеколагаў, акушэраў і іншых зацікаўленых на «Школу нараджэння», якая пройдзе з 2 па 7 жніўня ў Навагрудку.
Асноўная мэта школы нараджэння — гэта падрыхтоўка будучых бацькоў да свядомага перажывання цяжарнасці і родаў. Прапануецца цыкл сустрэч, падчас якіх бацькі вучацца знаходзіць сувязь з дзіцём ад яго зачацця да нараджэння. Таксама курс рыхтуе будучых «інструктараў», якія будуць дапамагаць маладым бацькам у падрыхтоўцы да родаў.
Школа мае хрысціянскі характар, бо засноўваецца на малітве і асабістай размове з Богам. Галоўным пунктам кожнага дня будзе святая Імша.
Школа ўключае наступныя пункты: выкананне спецыяльнай гімнастыкі, музыкатэрапія, практыка масажу, адпачынак, падрыхтоўка да нараджэння, дагляд нованароджанага, прагляд фільмаў і інш.
Паведаміць пра свой удзел можна па тэлефонах:
- а. Пётр Фраштэнга OCD (Мінск) +37529 1301854
- с. Барбара Сайнок +37529 5811679
- Ірына Мялешка (Гродна) +37529 5884273