14 сакавіка ў Магілёве адбудзецца сустрэча з кляўзуровай манaхіняй дамініканкай з ірландскага закрытага кляштара сясцёр, якія жывуць кантэмпляцыйным жыццём, — сястрой Дамінікай OP. На сустрэчу запрашаюцца дзяўчаты, старэйшыя за 18 гадоў, якія шукаюць сваё пакліканне.
У праграме сустрэчы:
- сведчанне с. Дамінікі, беларускі, якая жыве ў дамініканскім кляштары ў Ірландыі і займаецца іканапісам;
- размовы ў групах;
- прэзентацыя і фільм;
- святая Імша і адарацыя Найсвяцейшага Сакрамэнту;
- абед і экскурсія па Магілёве
Усе дзяўчаты, зацікаўленыя сустрэчаю, могуць звяртацца па ўсіх пытаннях па тэлефоне (+375) 29-291-92-11.
Просьба паведаміць аб жаданні ўдзельнічаць.
Паводле ave-maria.by, (AYU)