19 верасня ў Слоніме адбыўся XI турнір па міні-футболе «Памяці св. Яна Паўла II». У гэтым годзе спартыўнае мерапрыемства сабрала 16 каманд з усёй Беларусі (Гродна — 4 каманды, Ліда, Маладзечна — 2 каманды, Сапоцкін, Мінск — 2 каманды, Баранавічы, Паставы, Брэст, Слонім, Барысаў, Докшыцы).
Парафія Беззаганнага Зачацця Найсвяцейшай Панны Марыі ў чарговы раз прымала ўсіх удзельнікаў турніра, якія зранку сабраліся на святой Імшы, якую цэлебраваў кс. Віталь Юркевіч, гвардыян айцоў капуцынаў у Слоніме. У гаміліі святар нагадаў прысутным, што сапраўдная радасць магчымая толькі ў чыстым сэрцы чалавека.
Пасля Імшы ўдзельнікі турніра паглядзелі фільм «Хроніка турніра па футболе 2014 года». На футбольным поле да іх звярнуўся са словамі прывітання генеральны спонсар мерапрыемства Баляслаў Івашко з ААА «ВІБОТОРГ».
Каманды былі падзелены на 4 групы, тры матчы ў кожнай групе вызначалі пераможцаў. Усе матчы праходзілі ў вострай барацьбе, і не аднойчы толькі пасляматчавыя пенальці дазвалялі выявіць лідара.
У матчы за 3-е месца, у якім гулялі каманды парафіі Св. Юзафа з Маладзечна і Гродна-Аўгустовак, асноўны час скончыўся з лікам 0-0. У выніку пенальці перамогу з лікам 5-4 атрымала каманда з Маладзечна.
У фінальнай гульне, якая стала ўпрыгожаннем ўсяго турніра, каманда «Гродна-Паўднёвы» з лікам 2-1 перамагла каманду «Гродна-Дзевятоўка».
Пасля турніра адбылася цырымонія раздачы кубкаў і медалёў, а таксама прызоў для лепшых гульцоў кожнай каманды. Усе удзельнікі атрымалі падарункі ад генеральнага спонсара.
Мерапрыемства скончылася святочнай вячэрай.
Месцы, якія занялі каманды:- Гродна-Паўднёвы
- Гродна-Дзевятоўка
- Парафія Св. Юзафа ў Маладзечне
- Гродна-Аўгустовак
- Докшыцы
- Мінск-Сухарава
- Гродна-Вішнявец
- Парафія Святой Сям'і ў Лідзе
- Барысаў
- Паставы
- Сапоцкін
- Парафія Св. Казіміра ў Маладзечне
- Брэст
- Парафія Св. Яна Хрысціцеля ў Мінску
- Баранавічы
- Слонім
Лепшыя гулцы:
- Лепшы гулец турніра — Максім Вадзюн («Гродна-Паўднёвы»)
- Лепшы бамбардыр турніра — Аляксандр Палачанін («Докшыцы»)
- Лепшы брамнік турніра — Павел Гейц («Гродна-Дзевятоўка»)
- Прыз сімпатый гледачоў — каманда «Поставы»
Фінальныя матчы:
- Матч за 1-2 месцы
Гродна-Паўднёвы 2-1 Гродна-Дзевятоўка - Матч за 3-4 месцы
Маладзечна 0-0 (5-4 па пенальці) Гродна-Аўгустовак
Відэасюжэт пра турнір, зроблены Слонім-ТБ
Арганізатар кс. Артур Малафей (АлГ)