Catholic.by - 9 жніўня — Міжнародны дзень карэнных народаў свету

9 жніўня — Міжнародны дзень карэнных народаў свету

09.08.2012 09:58

9 жніўня адзначаецца Міжнародны дзень карэнных народаў свету. Менавіта ў гэты дзень у 1992 г. адбылося першае пасяджэнне Працоўнай групы па карэнных народах Падкамісіі па падтрымцы і абароне правоў чалавека. Міжнародны дзень карэнных народаў свету — нагода, каб ацаніць культуры карэнных народаў і ўклад, які яны ўносяць у сям’ю народаў свету.

Таксама гэта нагода, каб узгадаць аб вялікіх цяжкасцях, з якімі сутыкаюцца многія карэнныя народы — ад недапушчальных маштабаў беднасці і захворванняў да пазбаўлення маёмасці, дыскрымінацыі і адмаўлення ў фундаментальных правах чалавека.

Карэннымі народамі па традыцыі называюць спрадвечнае насельніцтва асобных тэрыторый, якое захавала традыцыйныя сістэмы ладу жыцця, валодае адметнымі формамі гаспадарчай дзейнасці, вызнае старажытныя рэлігіі і мае ўласныя традыцыі і культуру. Карэнныя народы часта пражываюць у цяжкадаступных раёнах або ў гарах.

Сучаснае развіццё свету і асваенне ўсё большай колькасці тэрыторый часам ставіць пад пагрозу знікнення традыцыі і ўстоі карэнных народаў. Менавіта для таго, каб не дапусціць гэтага працэсу, і быў устаноўлены Міжнародны дзень карэнных народаў, які падкрэслівае значнасць і важнасць гэтай хоць і невялікай часткі насельніцтва нашай планеты.