Валанцёры Руху св. Мікалая з Віцебска, што дапамагаюць непаўнаспраўным, прынялі ўдзел у Школе танцаў на інвалідных калясках, якая нядаўна адбылася ў Івана-Франкоўску (Украіна). Школу правадзіла каманда з Кіева на чале з вядомым інструктарам па танцах Міхаілам Савельевым.
Былы лётчык-выпрабавальнік, пасля трагічнай аварыі быў прыкуты да інваліднай каляскі. Тады і з’явілася яго зацікаўленнасць танцамі на калясках, дзякуючы чаму ён здолеў устаць на ногі. Цяпер Міхаіл прафесійна займаецца танцамі і дапамагае непаўнаспраўным людзям ізноў паверыць у сябе і ў свае сілы.
Праграма школы складалася не толькі з вывучэння асноваў бальных танцаў на калясках, але і з духоўных разважанняў і малітвы, якія праводзіў беларускі грэка-каталіцкі святар з Віцебска а. Аляксандр Шыбека.
Міхаіл Савельеў разам са сваёй камандай выразілі гатоўнасць прыехаць у Беларусь, каб правесці падобную школу.
Усіх зацікаўленых у арганізацыі і правядзенні Школы танцаў на інвалідных калясках просьба звяртацца па тэл.:
- +375 29 299 72 41 (МТС)
- +375 29 962 20 19 (Velcom)
Людміла Шыбека