3 студзеня 2010 г. у макараўскім Доме культуры адбыўся калядны канцэрт пад назвай «Анёлы» моладзевага гурта «MAJ» з парафіі Беззаганнага Зачацця Найсвяцейшай Панны Марыі ў Квасоўцы (Гродзенская дыяцэзія). З калядным канцэртам гуртпрыбыў па запрашэнні пробашча парафіі Узвышэння Святога Крыжа ў Макараўцах (Бераставіцкі дэканат) кс. Паўла Беланоса.Прысутныя не толькі падтрымлівалі гурт супольным спевам калядак, але і радаваліся нованароджанаму Збаўцы ў танцах і карагодах вакол святочнай елкі. Сустрэчу атрымалася па-сапрўднаму святочная і радасная.
Падобныя калядныя канцэрты гурта «MAJ» адбыліся 26 снежня 2009 г. у парафіі Беззаганнага Зачацця Найсвяцейшай Панны Марыі ў Гродне (Паўднёвы) і 27 снежня 2009 г. у квасоўскім Доме культуры.
Гурт «MAJ» дзейнічае ў квасоўскай парафіі з 2008 г. пад кіраўніцтвам Генадзя Занкоўскага.
