Гродна: Музей гісторыі рэлігіі запрашае на выставу велікодных яек | Друк |
Беларусь - Гродзенская дыяцэзія
27.03.2013 12:29

У гродзенскім Музеі гісторыі рэлігіі пройдзе выстава велікодных яек, распісаных і ўпрыгожаных у наш час гродзенскімі майстрыхамі ў розных тэхніках. Адкрыццё выставы пад назвай «Фарбы велікоднай радасці» адбудзецца 28 сакавіка.

Як паведамляе grodnensis.by, экспазіцыю складуць велікодныя пісанкі чатырох гродзенскіх майстрых: Алены Чумрай — у тэхніцы васкавання і дэкупажу, Алены Сідзякінай — у тэхніцы роспісу, Таццяны Калянкевіч — яйкі, упрыгожаныя бісерам, шклярусам у тэхніцы ткацтва і ажурнага пляцення, і Марыны Ярэмчык — у тэхніцы рэльефнай аплікацыі саломкай.

Наведвальнікі выставы змогуць убачыць і калекцыю гродзенскіх вербачак. Запланаваны таксама майстар-клас па васкаванні велікодных яек.

Адкрыццё выставы адбудзецца ў 16.00.

(SZh)

 
© 2003-2022 Catholic.by