10 мая ў парафіі Перамянення Пана ў Вавёрцы (Гродзенская дыяцэзія) 55 вернікаў атрымалі з рук біскупа Гродзенскага Аляксандра Кашкевіча сакрамэнт канфірмацыі. Да гэтага дня вернікі падрыхтоўваліся праз удзел у катэхезе, святыя Імшы, а таксама кожны індывідуальна — праз асабістую малітву.
Па словах біскупа Кашкевіча, тыя, хто атрымлівае сакрамэнт канфірмацыі, павінны быць адказнымі за Касцёл. Яны, як дадаў, павінны не саромецца сваёй веры, а быць адважнымі сведкамі Уваскрослага Езуса Хрыста.
Біскуп пажадаў вернікам выканаць гэтую задачу самым лепшым чынам і атрымаць ад Бога дар вечнага жыцця. Бацькі моладзі, якая прыняла сакрамэнт канфірмацыі, і сама моладзь падзякавалі біскупу за абагачэнне дарамі Духа Святога і абяцалі быць добрымі хрысціянамі.
Кс. Юрый Марціновіч