20 лістапада сёстры місіянеркі Хрыста Валадара запрасілі моладзь парафіі Перамянення Пана ў Вавёрцы (Гродзенская дыяцэзія) на супольную падрыхтоўку да ўрачыстасці Пана нашага Езуса Хрыста, Валадара Сусвету.

Сустрэча пачалася ў капліцы сясцёр місіянерак адарацыяй Найсвяцейшага Сакрамэнту. Падчас яе ўдзельнікі разам дзякавалі Богу за атрыманыя ласкі, перапрашалі за недахоп любові і праслаўлялі Езуса, укрытага ў Гостыі.

Наступным пунктам было прадстаўленне моладзі харызмату і місіі супольнасці сясцёр місіянерак Хрыста Валадара.

Сустрэча завяршылася ў радаснай атмасферы супольнай забавы.

(AG)