20 лютага ў кляштары айцоў піяраў у Шчучыне быў арганізаваны спартыўны дзень для літургічнай службы алтара і моладзевага хору “Calasanz”.

Спартыўны дзень пачаўся конкурсам ведаў аб святых апекунах спорту і міністрантаў, а таксама біяграфіі Папы Францішка і ўчынках міласэрнасці для душы і цела. Для жадаючых адбыўся таксама конкурс на тэму міласэрнасці ў кантэксце Года Міласэрнасці.

Затым пачаліся спартыўныя конкурсы, у якія ўваходзілі тэніс, шашкі, футбол для хлопцаў і дзяўчат і інш.

Пераможцы атрымалі ўзнагароды, а тых, хто заняў першыя два месцы ў спаборніцтвах па настольным тэнісе, чакаюць далейшыя спаборніцтвы ў піярскай парафіі ў Лідзе, якія адбудуцца праз тыдзень.

а. Віталій Слука SP, (AG)