20 сакавіка, у Пальмовую нядзелю, у піярскай парафіі Унебаўзяцця Найсвяцейшай Панны Марыі ў Лідзе (мр-н Індустрыяльны) падчас святой Імшы адбыўся конкурс для дзяцей на самую вялікую і самую прыгожую пальму.

Праводзячы гэты конкурс, журы звяртала ўвагу на тое, каб вербачка была арыгінальна ўпрыгожанай і каб аздабленні былі зроблены менавіта сваімі рукамі.

Прыгожых вербаў было шмат, але некаторыя дзеці ўсё ж занялі першыя месцы.

У сувязі з тым, што некалькі дзяцей з парафіі на мінулым тыдні святкавалі свой дзень нараджэння, згодна з існуючай у парафіі традыцыяй яны пасля святой Імшы пачаставалі ласункамі ўсіх прысутных дзяцей.

А. Аляксандр Махнач SP, (AG)