24 красавіка ў салезіянскай парафіі ў Смаргоні стала на чатыры міністранты больш. Склалі абяцанні, атрымалі благаслаўленне і прынялі комжы Уладзіслаў Арцёменка, Вадзім Буйноўскі, Антон Жамойда і Антон Субко.
Хлопцы прайшлі падрыхтоўку ў якасці кандыдатаў і выказалі жаданне стаць міністрантамі, каб яшчэ лепей служыць Богу пры алтары і ў штодзённым жыцці.
Ва ўрачыстасці ўдзельнічалі таксама бацькі і родныя міністрантаў. Члены сем'яў міністрантаў адзначаюць, што гэта была важная і доўгачаканая падзея не толькі для саміх хлопцаў, але таксама для ўсёй іх сям’і.
Пасля святой Імшы святкаванне працягнулася за салодкім сталом у араторыі.