З 13 па 17 мая музычны гурт «Ave» на чале з прэфектам семінарыі кс. Андрэем Лішко наведаў з канцэртамі Дзюсельдорф і Дортмунд (Германія).
Такія музычныя сустрэчы сталі ўжо добрай традыцыяй за апошнія некалькі гадоў. Семінарысты яшчэ раз атрымалі магчымасць сведчыць песнямі і танцамі аб неспасцігальнай Божай любові ў іх жыцці.
Кожнае месца, дзе выступілі семінарысты, пакінула вялікае ўражанне і станоўчыя эмоцыі ў іх сэрцах.
Семінарыйны гурт «Ave» выказвае падзяку пробашчу парафіі Св. Гертруды ў Дзюсельдорфе а. Ёахіму Дэкер і ўсім тым, хто ад усяго сэрца паклапаціўся, каб гэтае музычнае падарожжа аднавіла духоўныя сілы семінарыстаў для далейшага здзяйснення Божых намераў у іх штодзённым жыцці і пакліканні.