Незабыўна цёплая сустрэча адбылася 6 красавіка ў вёсцы Галавічполле, дзе дзіцячы дом-інтэрнат чарговы раз наведалі навучэнцы Вышэйшай духоўнай семінарыі ў Гродне на чале з яе прэфектам кс. Андрэем Лішко.
Падчас сустрэчы семінарысты дзяліліся з дзецьмі сведчаннем уласнага перажывання велікапоснага перыяду, паспрабавалі накіраваць іх позірк на прыбліжэнне самай неспасцігальнай і найбольшай таямніцы ў гісторыі чалавецтва — Уваскрасення Езуса Хрыста.
Уражанні, якія атрымалі семінарысты падчас сустрэчы, напэўна, надоўга застануцца ў сэрцах будучых святароў і паспрыяюць іх духоўнаму станаўленню на дарозе да служэння самым бедным і патрабуючым.
