Велапрабег быў арганізаваны пробашчам парафіі Свв. Пятра і Паўла кс. Янам Гавецкім і прайшоў на тэму «Дзеці Іўя за жыццё і мір». Мерапрыемства стала ўжо традыцыйным і сёлета праводзілася ў пяты раз.
Самым маленькім удзельнікам стаў трохгадовы хлопчык, якога ў крэсле веласіпеда вязла мама. Побач з дзецьмі ехалі таксама бацькі і сам кс. Ян.
Суправаджалі «велапрацэсію» АДАІ Іўеўскага РАУС. У завяршэнне велапрабегу яго удзельнікі атрымалі прызы — марожанае і слодычы.