Мітрапаліт Кандрусевіч сустрэўся з начальнікам Дэпартамента па дабрачыннай дзейнасці Адміністрацыі Прэзідэнта | Друк |
Іерархі
19.02.2015 11:10

19 лютага ў будынку Дэпартамента па дабрачыннай дзейнасці Адміністрацыі Прэзідэнта Рэспублікі Беларусь адбылася сустрэча Мітрапаліта Мінска-Магілёўскага арцыбіскупа Тадэвуша Кандрусевіча з начальнікам дэпартамента Валерыем Скакуном. На сустрэчы прысутнічалі таксама кіраўнік упраўлення гуманітарнай дзейнасці Святлана Лабун і дырэктар Нацыянальнага «Карытас» у Беларусі кс. Віктар Гайдукевіч SDB.

Падчас сустрэчы бакі абмеркавалі актуальны стан і перспектывы супрацоўніцтва паміж Каталіцкім Касцёлам і Дэпартаментам, асаблівая ўвага была прысвечана каталіцкім дабрачынным арганізацыям, якія атрымліваюць дапамогу з-за мяжы.

Бакі дамовіліся працягваць супрацоўніцтва ў абмеркаваннi канкрэтных сітуацый па атрыманні дабрачыннай дапамогі, а таксама арганізаваць інфармацыйна-кансультатыўную сустрэчу паміж кіраўніцтвам Дэпартамента з аднаго боку і беларускімі біскупамі, кіраўнікамі дабрачынных арганізацый і адказнымі за розныя праекты, перадусім у галіне будаўніцтва, з другога.

(DN), (IL)

 
© 2003-2025 Catholic.by