Біскуп Віцебскай дыяцэзіі Алег Буткевіч 13-14 жніўня наведаў кляштар цыстэрцыян у польскім Енджэёве.Падчас свайго візіту іерарх больш глыбока пазнаёміўся з харызматам гэтай манаскай супольнасці.
Як адзначылі браты цыстэрцыяне, акрамя праведзенага разам часу, добрых і мудрых размоў, вялікім шчасцем для манаскай супольнасці стала святая Імша, якую біскуп Віцебскі цэлебраваў перад рэліквіямі благаслаўлёнага Вінцэнта Кадлубка ў аднайменнай капліцы.
«Верым, што гэтая сустрэча ля труны бл. Вінцэнта прынясе плён у пашырэнні культу благаслаўлёнага, а таксама шанаванні яго памяці і ў Беларусі», — прызнаюцца ў супольнасці цыстэрцыян.
Сярод членаў супольнасці братоў цыстэрцыян у Енджэёве ёсць і адзін беларус — дыякан Уладзімір Лапацкі, які паходзіць з Віцебскай дыяцэзіі.
Даведка Catholic.by:
Цыстэрцыяне — каталіцкі манаскі ордэн, які ў XI ст. адгалінаваўся ад ордэна бэнэдыктынаў. Цыстэрцыяне вядуць пустэльніцкі лад жыцця, у іх духоўнасці вялікую ролю адыгрывае аскеза.
Бруна Патарэвіч OCist