7 верасня ў Рыме пачнецца адмысловы курс для каталіцкіх біскупаў свету, якія атрымалі сакру на працягу апошняга года. Удзел у ім прыме і дапаможны біскуп Мінска-Магілёўскай архідыяцэзіі Аляксандр Яшэўскі SDB.Адмысловы курс арганізуе Кангрэгацыя па справах Біскупаў у Ватыкане.
Мэта курса — азнаямленне біскупаў з функцыянаваннем структур Святога Пасаду, яго кангрэгацыямі, камісіямі і апосталатам. На працягу 10 дзён біскупы атрымаюць магчымасць пазнаёміцца з рознымі сферамі працы і служэння: дабрачыннай, асветніцкай, выдавецкай дзейнасцю, абмеркаваць выклікі часу і ролю Касцёла і епіскапата ў сучасных умовах.
10 верасня Папа Францішак правядзе аўдыенцыю з удзельнікамі курса.
(LS)