Біскуп Віцебскі Алег Буткевіч падчас сустрэчы з прадстаўнікамі СМІ на прэс-канферэнцыі, якая адбылася 9 снежня ў Віцебскай дыяцэзіяльнай курыі, выказаўся адносна завяршэння арцыбіскупам Клаўдыё Гуджэроцці місіі Апостальскага Нунцыя ў Беларусі.
«Пра арцыбіскупа мы заўсёды будзем памятаць не толькі як пра вельмі актыўнага і мудрага дыпламата, але і як пра адданага свайму служэнню душпастыра, які за такі непрацяглы час зрабіў вельмі шмат не толькі для Каталіцкага Касцёла на Беларусі, але і для ўсё нашай краіны», — адзначыў віцебскі ардынарый.
18 студзеня 2014 года. Падчас урачыстай Імшы з нагоды біскупскага пасвячэння ардынарыя Віцебскай дыяцэзіі Алега Буткевіча
«Такім мог быць толькі чалавек, які па-сапраўднаму любіць нашу культуру і нашых людзей, што заўсёды адчувалася ў прамовах арцыбіскупа і пры кожнай сустрэчы з ім», — дадаў біскуп, пажадаўшы арцыбіскупу Клаўдыё Гуджэроцці Божай дапамогі ў яго нялёгкай місіі.
Кацярына Лаўрыненка, (IL)