Беларускі іерарх быў запрошаны на патранальнае свята школ у польскім горадзе Торунь разам з Рэгіянальным настаяцелям Таварыства св. Яна Боско ў Беларусі кс. Віктарам Гайдукевічам SDB.
Біскуп Аляксандр Яшэўскі прымаў удзел ва ўсіх мерапрыемствах, а таксама ўзначальваў урачыстую Імшу ў парафіяльным касцёле св. Антонія.
Урачыстасць заснавальніка салезіянскай сям’і адзначаецца ў горадзе як свята школы.
Патранальнае свята настаўніка моладзі — св. Яна Боско — сёлета прыпадала на нядзелю і на канікулы, таму яго святкаванне было перанесена на больш позні тэрмін. Праграма святкавання была дастаткова насычанай. Дзеці і моладзь з торуньскіх школ падрыхтавалі займальныя прадстаўленні.
