Парафія ў Нарачы адзначаецца асаблівым шанаваннем Яна Паўла ІІ. Да ўспаміну Вялікага Папы тут часта арганізуюцца конкурсы ведаў, малюнкаў, кінапрагляды. На гэты раз арганізуецца конкурс выпечкі крэмавых пірожных, якія любіў Ян Павел ІІ і якія таму называюць «папскімі».

Да ўдзелу ў конкурсе запрашаюцца ўсе нарачанскія гаспадыні, якія могуць прадставіць на конкурс не толькі пірожныя, але і любыя кулінарныя вырабы. Як паведамляе сайт парафіі, частаванне-дэгустацыя прысмакаў і вызначэнне пераможцаў адбудзецца 21 кастрычніка перад урачыстай святой Імшой у 11 гадзін на прыкасцёльным пляцы.

У гэты ж дзень у парафію будуць урачыста ўнесены рэліквіі благаслаўлёнага Яна Паўла ІІ. Іх па просьбе вернікаў перадаў парафіі  Мітрапаліт Кракаўскі кардынал Станіслаў Дзівіш, былы асабісты сакратар папы Яна Паўла ІІ.

(SZh)