25 сакавiка, ва ўрачыстасць Звеставання Пана, у Барысаве распачалі будаўнiцтва касцёла Спаслання Святога Духа. Радасць гэтай падзеi падзялiў з вернiкамi дапаможны бiскуп Мiнска-Магiлёўскай архідыяцэзii Юрый Касабуцкi.
Гэтая каталiцкая святыня будзе другой па ліку ў Барысаве. Раней вернікі збіраліся на малітву пад драўляным навесам, потым у памяшканнi заснавалі каплiцу, дзе i зараз адбываюцца штодзённыя набажэнствы.
Парафіяне выказваюць вялiкую ўдзячнасць усiм, хто меў дачыненне да гэтай справы праз малітву цi з дапамогай матэрыяльных сродкаў.
Галiна Прытчына