З нагоды Міжнароднага дня абароны дзяцей, які адзначаецца 1 чэрвеня, моладзь і прадстаўнікі Легіёна Марыі з парафіі Св. Юзафа ў Маладзечне завіталі ў мясцовы дзіцячы інтэрнат.

Моладзь падрыхтавала праграму, у якой дзеці бавіліся, танчылі, спявалі песні, адгадвалі загадкі, разгадвалі рэбусы. Потым дзеці правялі для гасцей экскурсію па інтэрнаце, паказалі зімовы сад, пакоі, у якіх жывуць і гуляюць.

На заканчэнне візіту кс. Павел Адамовіч удзяліў кожнаму дзіцяці благаслаўленне і падарыў дзіцячую Біблію, а моладзь і сястра Агнешка - іншыя падарункі. Дзеці былі вельмі задаволеныя і запрашалі да сябе ў госці таксама на будучыню.

(AG)