2 красавіка ў Маладзечне адбылася велікодная сустрэча каталіцкіх чыгуначнікаў. Па традыцыі святкаванне пачалося святой Імшой, якую ўзначаліў кс. Міхал Бубен.
У гаміліі святар растлумачыў, як важна быць адкрытым на ласкі, якія спасылае Міласэрны Бог, а таксама раcпавёў пра прыклад св. Яна Паўла ІІ, якога можна назваць апосталам Божай Міласэрнасці, узгадваючы 11-ю гадавіну яго смерці.
Пасля Эўхарыстыі супольнасць сабралася на сумесным святкаванні, дзе пасля асвячэння велікодных страў і пачастунку былі абмеркаваны бягучыя справы душпастырства.
Моладзевы хор парафіі паклапаціўся аб музычным упрыгажэнні Імшы, падчас якой у суправаджэнні аргана, скрыпак, флейты і гітары былі выкананы сярод іншых гімн Года Міласэрнасці і твор Ёхана Пахельбеля.
