З 14 па 24 чэрвеня ў парафіі Святога Антонія ў Слуцку адбыўся летні адпачынак для дзяцей.

На «канікулах з Богам» пад дэвізам «Шчаслівыя міласэрныя» дзеці мелі магчымасць не толькі разам бавіцца, удзельнічаць у розных конкурсах і гульнях, але і пазнаёміцца з апосталамі міласэрнасці: святой Фаўстынай, святым Францішкам, святой Ядвігай, святым Мікалаем, благаслаўлёнай Маці Тэрэзай з Калькуты і іншымі.

На прыкладзе гэтых сведкаў Божай Міласэрнасці дзеці стараліся зразумець, што такое міласэрнасць і як быць міласэрнымі ў штодзённым жыцці.

Арганізатары спадзяюцца, што «канікулы з Богам» былі для дзяцей не толькі часам радаснага адпачынку з сябрамі, але і асаблівым часам сустрэчы з міласэрным Езусам.

С. Яна Аляксеева, (AG)